Беснеат пожарите во неготинскиот регион. Поради високите температури, и веќе локализираните пожари повторно се разгоруваат. Се гасне од воздух и од копно.
Најтешка задача имаат пожарникарите, полиција и армијата како и локалните друштва и населението кое помага на терен за локализирање на силните пламени јазици. Во тешко пристапните терени, жешкото време и темпетурите над 40-тиот степен само дополнително им го отежнуваат ганењето.
Пожарите на планината Серта од страната на Неготино е во најкритична состојба, потврди и првиот човек на ЦУК, Ангелов.
- „Се работи за долга линија од триесетина километри, на која има одредени жешки точки, Се обидуваме да ги изгаснеме“, вели Ангелов.
На пожарите низ цела Македонија се интервенира од воздух со сите хеликоптери и ер-трактори кои ги има земјава, но и со странската помош кој пристигна. Активиран е и хеликоптерот од Србија кој е со носивост до 5 тони вода, а втор ден пожарите ги гасат и двата ер трактори и хеликоптерот кој пристигнаа од Турција. Заедно со нив, десетици тони вода врз пожарите истураат и се три ер трактори на ДЗС, еден хеликоптер на МВР, два хеликоптери на АРМ.
- „Во текот на денешниот ден ќе пристигнат два хеликоптери од Словенија, еден канадер од Хрватска, еден хеликоптер од Црна Гора, а утре ќе имаме плус еден голем хеликоптер МИ 171 на МВР кој беше на сервис“, информираше Ангелов.
Регионалниот пат Штип – Неготино веќе неколку дена е затворен бидејќи според проценките и ширењето на пожарите не е безбеден за користење.
Во неготинско Пепелиште дојде и претседателката Сиљановска Давкова која беше на брифинг во касарната и како што посочуваат од Вила Водно оддала признание на сите припадници на Армијата кои професионално и посветено се ангажираат во справувањето со пожарите.
