🎥Македонија и Косово со најскапи мобилни услуги во регионот

Македонија и Косово со најскапи телекомуникациски услуги во регионот. Ова го покажуваат споредбите на ценовниците кои се јавно достапни.

Во Србија постпејт пакетите се движат од 10 до 25 евра, во Грција до 30 евра најскапите, Албанија од над 10 евра до 20 евра, во Косово претплатата за телекомуникациски услуги е од 10 евра до 43 евра. Во Македонија за постпејт се плаќа и до 50 евра. При пејд пакетите се поефтини, во  секоја земја има различни цени кои се движат од 5 па до 25 евра.

Во моментов од европските земји само Македонија и Албанија имаат два мобилни оператори и се обележани со црна боја на мапата поради недоволно развиена конкуренција во оваа област. Наскоро Македонија ќе добие и трет мобилен оператор, со што се очекува цените да паднат.

“Па се надеваме дека цените ќе ги намалат, тоа е најважно за нас. Од услугите сме задоволни од досегашните оператори ама цените нормално, што се пониски тоа се подобри.. Кога ќе има уште еден оператор мислам дека ќе биде подобро, очекуваме цените да се намалат барем 30 проценти.”- изјавија граѓаните.

Во петок ќе се отвораат понудите од компаниите кои покажале интерес за влез на македонскиот телекомуникациски пазар, по што ќе следува јавно наддавање.

Во трка од она што е засега познато во јавноста влегуваат најмалку три оператори. Едниот е ОНЕ Македонија Телекомуникации, фирмата што унгарската 4 Ај Џи ја регистрираше во земјава, вториот  e& PPF Telekom Grup меѓунардна телекомуникациска и инвестициска групација која е активна во Бугарија, Словачка, Унгарија и Србија  и третиот, БИТСРИМ Мобајл, македонска фирма  за телекомуникациски и интернет услуги, која, според достапните информации, во моментов нема ниту еден вработен, ниту било какви приходи.

Унгарската „Фор ај џи“  важи за најсериозен играч.