Скопје ќе биде домаќин на меѓународен стоматолошки конгрес кој ќе се одржи од 12 до 14 јуни 2026 година, во организација на Стоматолошката комора на Македонија и под покровителство на претседателот на Владата, Христијан Мицкоски.
Станува збор за 17-ти Меѓународен стоматолошки конгрес, кој ќе се одржи во хотелот „Холидеј Ин“, под наслов „Дигитална стоматологија: синергија помеѓу 3Д технологии и AI“. Настанот ќе собере експерти од областа на денталната медицина од земјава и од странство.
Од Стоматолошката комора информираат дека учество можат да земат доктори по дентална медицина, специјалисти, стоматолошки техничари, орални хигиенолози, специјализанти и студенти. Пријавувањето е отворено преку официјалната веб-страница на Комората.
