Системот ЕТИАС кој ќе се применува за влез во земјите од Европската унија, повторно е одложен и ќе стартува на крајот на 2026 година, а целосната примена се очекува во април 2027 година.
Ова е трето одложување на примената на овој систем. Системот првично беше најавен дека ќе се применува од почетокот на 2022 година, а последниот датум беше мај 2025 година.
И македонските граѓани ќе треба да аплицираат за ЕТИАС за влез во земјите членки на ЕУ на краткорочна основа, под 90 дена, за туризам, деловни, транзитни или медицински цели. Според системот ќе треба да се пополни апликација пред да се тргне на пат, а тоа ги вклучува и патниците кои само ќе транзитираат во ЕУ на пат до други дестинации. Секој македонски државјанин кој сака да влезе во ЕУ повеќе од 90 дена или за други цели освен оние дозволени според програмата ЕТИАС ќе треба да аплицира за Шенген виза.
