Дваесетгодишен возач од Скопје е лишен од слобода, поради тоа што со возило удрил во велосипед управуван од 13-годишник, соопшти МВР.
Во СВР Скопје вчера во 16:10 часот било пријавено дека на ул.„Коце Металец“ патничко возило „сеат“ со скопски регистарски ознаки, управувано од А.П.(20) од Скопје, удрило во велосипед управуван од 13-годишник од Скопје.
Во несреќата, како што соопшти МВР, малолетникот се здобил со тешки телесни повреди, констатирани во Комплекс клиники „Мајка Тереза“.
Увид на местото извршила екипа од СВР Скопје, а возачот А.П. е лишен од слобода по член 300 од Кривичниот законик.
По целосно расчистување и документирање на случајот ќе следува соодветна пријава.
