Реклама

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Македонија

Кривична против две лица од „Државна лотарија“ осомничени за штета од речиси 80 милиони денари

Управата за финансиска полиција до Основното јавно обвинителство Скопје поднесе кривична пријава…

Сподели:
Фото: Алфа Вести

Управата за финансиска полиција до Основното јавно обвинителство Скопје поднесе кривична пријава против две вработени во АД „Државна лотарија“ поради сомнение за сторени кривични дела „Проневера во службата“ и „Фалсификување или уништување деловни книги“, при што, според наводите, на друштвото му била предизвикана штета од 79.989.444 денари.

Како што соопшти Финансиската полиција, првопријавената А.Н., во својство на директор на Секторот за финансии и сметководство, заедно со второпријавената Д.Д., вработена како шеф на финансиски работи, не го уплатиле и депонирале на трансакциските сметки на друштвото целокупниот дневен промет од сопствените продажни места за 2024 година во износ од 46.038.720 денари.

Според пријавата, од банкарските сметки на АД „Државна лотарија“ дополнително биле подигнати 33.950.724 денари, кои, како што се наведува, противправно биле присвоени.

Реклама

Од Управата за финансиска полиција посочуваат дека со цел да го прикријат недостигот на паричните средства, осомничените вршеле префрлање средства меѓу банкарските сметки на друштвото, креирале налози за трансакции и реализирале уплати и исплати со кои лажно се прикажувало дека биле извршени финансиски трансакции во значителни износи.

Воедно, според соопштението, била изготвувана и користена невистинита сметководствена и финансиска документација преку евидентирање фиктивни касовни исплати од благајната на друштвото, со што противправно присвоените средства биле раскнижувани на различни сметководствени конта и се прикривал нивниот недостиг во деловните книги.

Во рамки на истрагата, што се води во координација со Основното јавно обвинителство Скопје, вчера биле извршени претреси на пет локации, од кои четири во Скопје и една во Валандово.

При претресите биле пронајдени и одземени сметководствена документација на АД „Државна лотарија“, мобилни телефони, лаптопи, УСБ-уреди, надворешни хард-дискови и друга електронска опрема, како и парични средства, злато, часовници со поголема вредност и брендирани чанти.

Финансиската полиција информира дека дополнително, во соседен двор до една од претресуваните локации, била пронајдена и одземена документација која е од интерес за постапката.

Во акцијата двете пријавени лица биле лишени од слобода.

Според Финансиската полиција, предметот произлегол од наодите утврдени при ревизијата спроведена од Државниот завод за ревизија во АД „Државна лотарија“.