Кремљ не кажува дали Путин лично ќе учествува во преговорите во Турција

Русија ќе соопшти кој ќе учествува на предложените мировни преговори во Турција кога претседателот Владимир Путин ќе смета дека е соодветно, изјави денеска портпаролот на Кремљ, Дмитриј Песков. Тој одби да коментира дали самиот Путин ќе присуствува на преговорите. Инаку, рускиот претседател во неделата предложи директни разговори со Украина за прекин на војната, по што американскиот претседател Доналд Трамп јавно го повика украинскиот претседател Володимир Зеленски да ја прифати понудата. Зеленски изјави дека е подготвен на разговори, но нагласи дека ќе преговара единствено лично со Путин. Трамп најави можност и тој да присуствува на евентуалните преговори.