Никој не ги спомна со име, ама сами си се препознаа како „талогот“. Истите што немаат ниту еден ден работен стаж надвор од „успешните“ политички кариери. Истите што со децении ги влечат државата и општеството во кал, затоа што во кал единствено и знаат да пливаат. Таму се снаоѓаат како риба во вода. Кај најголемиот дел од нив тоа веќе не е избор, туку е наследство, се вели во соопштението на ВМРО-ДПМНЕ од фејсбук објавата на генералниот секретар на ВМРО-ДПМНЕ Драган Ковачки.
Дедото се клањал на едни, таткото на други, а внукот ја мери јачината и правецот на ветерот и однапред си се наведнува.
Вчера клечеле пред Софија, утре пред Белград, задутре пред Москва…адресата се менува, ама држењето (виткањето) не.
Што би рекол народот:
Трета генерација исправен ’рбет не памети.
Тоа што измеќарството го издигнаа на ниво политичка доктрина и го нудат како единствен разумен пат, не е ништо друго туку обид за да си ја кренат цената, притоа не сфаќајки дека не само што така си ја спуштаат сопствената цена, истовремено кревајќи ја летвичката за сопствената татковина повисоко.
Македонија нема време за губење со таквите структури. Одиме напред.
