СДСМ и нивната непромислена политика на виткање кичма ја донесе Македонија до степен на негација од страна на Бугарија, рече на денешната прес-конференција пратеникот Драган Ковачки.
Работи на кои претходно бугарската политика гледала како на невозможни, затоа што се во корен неразумни и неморални за Заев и Филипче се пракса во нивното делување. Политиката на Пендаровски, Заев и Филипче и донесе на Македонија бришење на македонскиот јазик и идентитет од Извештајот на ЕП. Сега се гледаат штетите кои СДСМ ги направи врз државата во целиот свој спектар. Дотолку повеќе се гледа колку државата ќе беше дополнително заглавена, доколку ВМРО-ДПМНЕ не се спротиставеше во корен на штетните политики на СДСМ. Бришењето на јазикот и идентитетот од Извештајот на ЕП се доказ дека на Бугарија никогаш не и било до Бугари во Устав. Сосема спротивно, тоа е само алатка за целосна негација на државата. ВМРО-ДПМНЕ упатува порака, дека нема да се помрдне ниту милиметар без да имаме почитување од страна на Бугарија, и гаранции од европските институции, истакна Ковачки.
Ова е злоупотреба на ЕУ од страна на Бугарија, и киднапирање на целиот процес, додаде Ковачки.
