Новиот состав на советот на град Скопје го започна својот мандат. По верификацијата на мандатите на новите членови, беше избран претседател на советот на Град Скопје.. довербата ја доби Даме Димитровски од ВМРО-ДПМНЕ, кој беше предложен од координаторот на советничката група на партијата, Луке Галевски. Димитровски доби 23 гласа, од советниците на ВМРО-ДПМНЕ , Вреди и Знам..Новиот претседател го започна својот мандат со најава дека ќе се залага за подобар и почист главен град, подобар јавен превоз, подигнување на културата и фокус на младите. Како што вели тој, клучните принципи ќе бидат транспарентноста и дигиталната достапност за граѓаните.
„Како претседател ќе се залагам и за три клучни принципи во работата на советот. Прво транспарентност, секој граѓанин има право да знае како се носат одлуките, каде се трошат јавните сретства и како ќе се реализираат проектите и ќе ги отвориме вратите за јавноста. Ќе промовираме дигитална достапност и отчетност во секој чекор на советот.“– изјави Даме Димитровски, претседателот на Советот на град Скопје.
Во чест на почетокот со работа на новиот состав на советот, градоначалникот на град Скопје, Орце Ѓорѓиевски испрати порака- Скопје веќе нема да биде депонија, туку град на ред, чистота и визија. од Советот, како што вели тој, очекува да биде извор на идеи а не на поделби.
„Во наредниов период ќе се фокусираме на неколку клучни приоритети. Да обезбедиме ефикасен јавен превоз, но и да го модернизираме, кој ќе ги поврзува сите делови од нашиот град. Ќе вложуваме во нови автобуси, подобрување на сообраќајната сигнализација и безбедноста на нашите улици. Завршува времето кога Скопје беше град на депонијата.“– изјави градоначалникот на град Скопје, Орце Ѓорѓиевски.
Во новиот состав на советот на Град Скопје мнозонство има коалицијата вмро дпмне, вред и знам со 23 советници.. најмногу советници има ВМРО-ДПМНЕ, односно 18 советници. По шест советници имаат Коалицијата Вреди, Националната алијанса за интеграција и Левица. СДСМ имаат пет, а еден советник има Знам. Во 45-члениот совет влегуваат и член на Искуство за успех и двајца независни советници.
