Утрово, во празнична атмосфера, од врата на врата коледарчињата, со песна и радост го најавија Христовото раѓање. За убавата вест домаќинките ги даруваа со колачиња, ореви, костени и по некоја паричка. .
Откако ќе ги наполнат торбите со посластици, децата продолжуват понатаму за да ја шират радосната вест .
„Јас, се чувствувам многу убаво и овој празник ми е најубав„ изјави коледарчето Александар Јовев.
„Домаќинките ни даваат пакетчиња полни со колачиња, костени, парички, ореви„ изјави коледарчето Викторија Митева.
За верниците, верата има клучна улога таа е столбот што го држи човекот и му го покажува вистинскиот пат. Негувајќи ги вековните обичаи, полниот двор со деца за домаќинките е најубавиот предвесник
„Верата го држе човекот. Му го покажува вистинскиот пат, праведноста. Сега голем дел се оддалечени, а празниците се и да се собере семејството, да се види…традицијата е многу важна, таа го одбележува и одржува народот„ изјави штипјанката Соња Кулакова.
Порано на Коледе оделе многу дечиња кои ја носеле радосната вест. Со текот на годините обичаите полека згаснуваа, за денес повторно да оживеат со многу млади коледарчиња.
