Кочанскиот суд ги разгледува жалбите од осомничените за пожарот во Кочани

Кочанскиот суд во моментот работи на жалбите од осомничените за пожарот во дискотеката „Пулс“, во кој загинаа 61 лице. Претседателот на Основниот суд во Кочани, вели дека повеќе информации во моментот не може да сподели, само посочи дека до овој момент во предметот биле вклучени сите пет судии од судот и плус уште еден делегиран. Кога ќе започне судскиот процес, овие судии нема да можат да судат, бидејќи биле вклучени во предистражната и истражната постапка.