Кинеските онлајн продавници „Тему“ и „Шеин“, познати по своите поволни понуди, од 25 април ќе ги зголемат цените на производите за американските купувачи.
Причина за ваквиот потег, според двата кинески онлајн шопинг бренда, е заострувањето на политиката на американскиот претседател Доналд Трамп за увозните производи со мала вредност и високите царини кои ги зголемија оперативните трошоци на компаниите.
Официјален Пекинг денеска соопшти дека нема да обрнува внимание на американската игра на броеви кога станува збор за царините, откако Белата куќа изјави дека Кина сега трпи царини до 245 проценти поради нејзините одмазднички мерки.
