Преговорите меѓу САД и Русија за прекин на огнот во Украина ќе започнат во Ријад, Саудиска Арабија, откако на иста маса ќе седнат руска и американска делегација. Директно вклучен ќе биде и украинскиот претседател Володомир Зеленски, а тоа го потврди и првиот човек на САД, Доналд Трамп.
„Се обидуваме да постигнеме мир со Русија, Украина и работиме многу напорно на тоа. Тоа е војна што никогаш не требаше да започне. Мислам дека Путин сака да престане да се бори. Го гледам тоа. Сакаат да го завршат ова брзо и двајцата, и Зеленски го сака тоа“ вели Доналд Трамп, претседател на САД
Украинскиот претседател, пак, претходно, за американската NBC, изјави дека не прифаќа одлуки за судбината на неговата земја – донесени без него, односно без Украина.
„Никогаш нема да прифатам какви било одлуки меѓу САД и Русија за Украина. Никогаш. Нема ниту еден лидер во светот кој навистина може да се договори со Путин без нас, за нас“ вели Володимир Зеленски, претседател на Украина
Дмитриј Песков, портпаролот на рускиот претседател, соопшти дека министерот за надворешни работи Лавров и советникот на Путин за надворешна политика, Ушаков, заминуваат за Ријад по инструкции на шефот на руската држава.
„Се очекува во вторник во Ријад да одржат состанок со американските колеги, кој пред сè ќе биде посветен на обновување на целиот спектар на руско-американските односи“ вели Песков
Во меѓувреме, францускиот претседател Емануел Макрон, иницираше средба на европските лидери на вонреден самит во Париз – на тема плановите на Трамп да стави крај на руско-украинската војна. По политичката шлаканица во Минхен во говорот на Џеј Ди, и стравот да не бидат исклучени од целиот процес на тема Украина, ги натера европските политички структури да разговараат како да се постават во целата ситуација. Состанокот на европските лидери доаѓа неколку дена по телефонскиот разговор меѓу американскиот претседател и неговиот руски колега, односно нивната одлука директно да разговараат за Украина.
Давид Крстевски
