Реклама

30-дневен притвор за Кристијан Корабоски, кој до бесознание ја претепа Сара

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Свет

Ќе бидат ли годините пречка за претседателската трка на Бајден и Трамп?

Поранешниот претседател Доналд Трамп се соочува со 91 обвинение за кривично дело,…

Сподели:
Фото: Алфа Вести

Поранешниот претседател Доналд Трамп се соочува со 91 обвинение за кривично дело, и најмалку едно судење по тие обвиненија.

Здравствените проблеми, пак, би можеле да влијаат на претседателот Џо Бајден, кој има 81 година.

„На насловни страници – „Џо Бајден бил стар и тоа е големо прашање. За Трамп, тоа не важи“, рече Бајден.

Реклама

Трамп, пак, има 77 години.

„Големата ноќ ќе биде во ноември кога ќе ја вратиме нашата земја“, рече Трамп.

Но, што ќе се случи ако некој од нив умре или не е способен да учествува на изборите во ноември?

Ако тоа се случи пред нивните партиски конвенции, некои држави може да ги продолжат датумите за изборите и да дозволат повеќе кандидати да влезат во трката.

Победникот на прелиминарните избори е официјално објавен како претседателски кандидат на партијата на конвенцијата на секоја партија. Републиканците ќе го направат тоа во јули, додека демократите во август. Ако некој фаворит испадне и ниту еден кандидат не постигне мнозинство, делегатите можат да номинираат друг.

„Ќе има слобода тие делегати да преговараат. Може да се избере некој, што воопшто не се кандидирал – тоа и претходно се случило во нашата историја. Но, на конвенциите се одлучува кој ќе биде кандидат за Републиканската или Демократската партија“, вели Џон Фортиер од Американскиот институт за претпријатија.

Доколку кандидатот се откаже по конвенцијата, партиите повторно ќе ги соберат делегатите за да изберат замена – но нема гаранции дека тоа ќе биде потпретседателот.

По изборите, тоа е сличен процес. Дури и ако, да речеме, Бајден победи и не може да служи, неговиот потпретседател, во случајов Камала Харис, нема по автоматизам да го замени, додека електорите повторно не гласаат.

Но, што ќе се случи ако избирачите не можат да се договорат?

„Во тој момент, изборите одат во Претставничкиот дом ако ниту еден кандидат не може да постигне мнозинство. Со тоа, изборите би завршиле во нешто со кое не сме се соочиле стотици години“, вели Мајкл Торнинг, Двопартиски центар за политики.

Доколку новоизбраниот претседател умре откако Конгресот ќе го потврди изборниот резултат на 6-ти јануари, новоизбраниот заменик или потпретседател ќе биде инаугуриран за претседател.

Ваквите сценарија може да станат исклучително неуреден процес кој може да се одолговлекува по судовите, особено ако резултатот е оспорен.

По опсадата на американскиот Конгрес од поддржувачите на Трамп на 6-ти јануари 2021 година, ситуацијата повторно може да излезе од контрола.

Јованчо Наумоски, Глас на Америка – Вашингтон