Министерството за внатрешни работи, во пресрет на претстојните велигденски празници, соопшти дека денеска сите отсеци за управни работи при Одделот за управни работи на МВР, освен Одделението за управни работи Скопје, ќе работат од 08:00 до 16:00 часот.
Одделението за управни работи Скопје и неговите организациони единици ќе работат по следниот распоред:
– Пункт Пролет: двосменско работење од 07:30 до 19:30 часот
– Пункт МТВ: двосменско работење од 07:30 до 19:30 часот
– Пункт Беко и пункт Ѓорче Петров: исто така од 07:30 до 19:30 часот
– Пункт Драчево и пункт Бутел: едносменско работење од 10:00 до 18:00 часот
Граѓаните ќе можат да се фотографираат за лични документи без закажување на термин, а издавањето на документите ќе се врши редовно.
Во сабота (19 април), ќе работат само шалтерите за издавање лични документи во пунктовите МТВ и Беко, во периодот од 08:00 до 16:00 часот.
