-Да нотираме дека направивме и да признаеме грешки, изјави Ковачевски
-Грешки имавме, изјави Заев.
-Тешка геостратешка грешка, кажа Заев.
Седум години брак СДСМ- ДУИ, четири премиери, прво Зоран Заев, па техничкиот Оливер Спасовски, па пак Заев, па Димитар Ковачевски, па уште еден технички Талат Џафери, но по се изгледа над нив еден реален шеф од Зајас, со штаб во Мала Речица- Али Ахмети.
-Прво ќе ви кажам како ќе функционираме, кажа прво Ковачевски.
-Како до сега, па суфлираше Ахмети.
-Како до сега, па кажа Ковачевски.
-На Ахмети не му треба народот, на народот му треба Али Ахмети, изјави Груби.
Како што самите неретко си нотираат во текот на овие седум години направени беа доста грешки. Во внатрешната, надворешната политика, економијата, образованието, здравството и многу други сегменти.
Меѓу првите задачи кои ги завршија беше промената на името на државата, иако Заев пред да дојде на власт ветуваше сосем обратно.
-Го донеле Заев да го менува името, ајде мајката, велеше Заев.
-Да живее Република Северна Македонија, па кажа Заев.
За возврат на сите отстапки во односите со Грција, но и со Бугарија, Македонија не доби ниту реален старт на преговори со ЕУ. Иако при прифаќањето на францускиот предлог, отстапките со високо кренати реаце ги славеше Ковачевски.
-Да живеат граѓаните, да живее Република Северна Македонија, порача Димитар Ковачевски.
Власта потфрли и во здравството, наместо сегашниот хаос, ветувани беа брда и долини, од првиот ден ветуван беше нов клинички центар, а го ветуваа четири министри, шест локации беа во игра, шест фирми изведувачи, но на крајот седум изгубени годни, иако кога дојдоа на власт веќе имаше почнат и потпишан проект за нов клинички од страна на ВМРО-ДПМНЕ со италијанска компанија на постојната локација за околу 80 милиони евра. Но наместо тоа го добивме скандалот со Онкологија и пожарот во Модуларната болница во Тетово каде животот го загубија 14 луѓе.
-Нашиот став како Влада и како Министерство за здравство сакаме да вложиме повеќе со наши пари.Еднаш за 40-50 години да направиме асален Клинички центар, кажа поранешниот министер за здравство Арбен Таравари.
-Ќе се гордееме со новиот најсовремен Клинички центар во регионот на Западне Балкан – изјави поранешниот министер за здравство Венко Филипче.
За и повеќе од катастрофалната состојба во економијата најмногу знаат обичните граѓани, кои последниве години поради галопирачката инфлација едвај врзуваат крај со крај, а видовме и сцени од 90-тите години каде на полиците во маркетите, немаше ниту основни продукти. Она што во 2019-та изгледаше смешно, за жал стана вистиното и трагично, македонската економија како што најави поранешниот премиер Заев се закотви со сидро.
Економската состојба беше проблематична само за обичните граѓани, но не и за функционерите од СДСМ и ДУИ, тие на еден начин беа магнет за државните пари. Па така милиони добија фирми блиски до ДУИ, до СДСМ, но и сопругата на самиот поранешен премиер, но тоа за него не било никаков проблем.
-(ДАЛИ ТОА Е САМО НЕЈЗИН БИЗНИС ИЛИ МОЖЕБИ ВАШ СЕМЕЕН БИЗНИС?) Тоа е нејзина инвестиција, која што ја има направено со свој сопствени средства. (ЗНАЧИ БЕЗ ВАША ПОМОШ?) Па без моја помош, зошто би имала помош од мене, тоа е инвестиција која може секој граѓанин да ја направи, кажа Ковачевски.
-Радувајте се луѓе, се гради во државата, порача Груби.
Македонија доживеа дебакл и во сегментот на образованието, па така на запад се граничи со Бугарија, а Монт Еверест порасна за 20 киломентри, ако се читаат македонските учебници. И ова се само дел од бројните примери кои ја одбележаа пропаста што ја доживеа долгонајавуваната реформа на образованието на СДСМ и ДУИ. Можеби најмладите не добиваат образование кое го заслужуваат, но државата си доби Ајнштајн на премиерската позиција.
Матеја Петровски
