Скопјани кои користат јавен превоз од утре треба да бидат подготвени дека можеби подолго ќе чекаат автобус, затоа што од „ЈСП Скопје“ најавуваат можно отстапување од возниот ред. Причината за можните отстапувања е прекинот на испораката на природен гас.
Од Јавното сообраќајно претпријатие – Скопје информираа дека добиле известување од снабдувачот „Номагас“ за прекин во испораката на природен гас до 17 октомври, што може да предизвика редуцирање на некои автобуските линии, особено оние што користат гас како гориво.
„Корисниците на јавниот превоз се предупредуваат да бидат подготвени за доцнења и променливи возни редови“, велат од „ЈСП Скопје“. Во текот на изминатата година, јавниот превоз во Скопје веќе се соочи со кризи поради недостиг на гориво.
