„Потребни сте ни повеќе од кога било „ – под ова мото штипскиот извиднички одред „Еквинос”, ја започна својата донаторска кампања. Младите и амбициозни извидници, кои со години волонтерски се грижат за природата, но и учат за етичките и морални вредности, имат потреба од 15.000 евра за целосно да го реконструират и обноват просторот кој за нив претставува втор дом. Собраните средства ќе бидат наменети за градежни зафати, набавка на матрејали и уредување, со цел просториите во кои се собираат младите волонтери бидат безбедни и функционални.
„Оваа кампања е креирана за собирање на 15.000евра, но ние би биле среќни и задоволни доколку се јават компании кои би донирале и градежни матрејали. Еве ова нека биде еден апел до сите заинтересирани фирми и индивидуални лица да помогнат и пружат своја поддршка и преку градежни матрејали„изјави Дарко Тошиќ, старешина на извидничкиот одред „Еквинос„ од Штип.
Со поддршка од штипската Локална самоуправа и Европската извидничка организација, младите извидници во текот на летото успеале сами да ја променат кровната конструкција и да ги заменат старите и дотраени врати и прозорци. Во моментот одредот брои над стотина членови. Најмладиот има 6, а најстариот 86 години. За нив, овој објект кој го нарекуваат „извидничко домче„ е место каде созреваат.
„ Топлината што сме ја чувствале порано ќе биде на едно многу поголемо ниво. Ќе се стават нови врати, прозорци, а сега од летотот имаме и нов кров. Мислам дека и повеќе време ќе поминуваме овде и со помалите и со постарите и многу повеќе ќе се зближиме и како одред ќе растеме многу повеќе„ изјави Мелани Панова, член на ИО„Еквинос„ од Штип.
Кампањата започна вчера, а линк за донациии е објавен на нивниот профил на социјалните мрежи. Додека ги соберат потребните средства, извидниците своите состаноци ги одржуваат каде можат. Велат, секоја донација без разлика дали е финансиска или во градежен матрејал ќе помогне, нивниот извиднички дом да стане пристојно место каде младите ќе растат, учат и се градат во добри личности.
