Израел: Усвоената резолуција на ОН е срамна

Израел ја критикува како „срамна“ усвоената резолуција од Генералното собрание на Обединетите нации, со цел да даде нов поттик на решението за израелско-палестинскиот конфликт. Според Тел Авив, со ова се охрабрува Хамас да „продолжи со војна“. „Во десетици членови на усвоената декларација воопшто не се спомнува фактичката состојба дека Хамас е единствен одговорен за продолжувањето на војната преку одбивањето да ги ослободи заложниците и да го положи оружјето“, смета портпаролот на израелското Министерство за надворешни работи.