Интензивни дискусии за крај на војната во Газа. Американските, катарските и египетските медијатори го зголемија притисокот врз Израел и Хамас за запирање на борбите. Израелскиот премиер двапати се сретна со американскиот претседател Трамп. Нетанјаху вели дека разговорите се фокусирале на ослободување на заложниците.
Предлогот за прекин на борбите предвидува 60-дневно примирје и постепено ослободување на заложниците, повлекување на израелските трупи од делови на Газа и дискусија за можноста за прекин на војната. Пратеникот на Трамп, Виткоф, неделава патува во Доха да им се придружи на преговарачките тимови. И Катар потврди дека има позитивен ангажман од завојуваните страни.
Војната почна на 7 октомври 2023 година по нападот од Хамас во граничните градови и кибуци во јужен Израел.
