Во рамки на Програмата за изградба, реконструкција и одржување на локални патишта и улици за 2026 година, Општина Берово продолжува со активности за подобрување на патната инфраструктура.
Во изминатиот период реализирана е санација на ударни дупки на повеќе улици низ општината, со вкупна површина од околу 500 метри квадратни, а во периодот што следи најавено е продолжување на интервенциите и на други улици.
Пред почетокот на активностите, општинските служби извршиле детален увид на терен, при што биле земени предвид и барањата и пријавите доставени од граѓаните.
-Со овие зафати се подобрува безбедноста во сообраќајот, се олеснува движењето на возилата и се продолжува векот на локалната патна инфраструктура, информираат од Општина Берово.
За реализација на активностите, во Буџетот на Општина Берово за 2026 година се предвидени околу 2.000.000 денари.
Од Општината потенцираа дека остануваат посветени на создавање побезбедни, поквалитетни и поуредени улици за сите граѓани.
