Реклама

Извештајот на ЕК е јасен: Македонија одлична во реформите, проблемот е „наследството“ од СДСМ и ДУИ преточено во Бугари во Устав

Меѓу лидерите во реформите, блокирани кон ЕУ поради уставните измени прифатени од СДСМ и ДУИ

Над 500 пензионери подигнале пари од Алта банка, денеска исплата на социјална помош

Двајца во притвор, еден во ќукен, еден во бегство по вчерашната полициска акција во Куманово

Владата бара купувач за Алта банка – Мицкоски тврди дека банката е во одлична финансиска кондиција

Историски најголема разлика помеѓу извозот и увозот, во државата влегуваат повеќе девизи

Мицкоски: Граѓаните да бидат спокојни, до денар ќе си ги добијат своите пари

Дождовите ја спасија есенската сеидба на житото, земјоделците чекаат да се засуши земјата за да влезат во нивите

Граѓаните кои немаат платежни картички, а имаат сметки во „Алта банка“, од денеска можат да си ги подигнуваат парите

Град Скопје ги ослободува младите брачни парови од плаќање комуналии за изградба на куќа

Полициски специјалци во акција во Куманово – Се разбива организирана криминално-лихварска група

Хаос на европското небо – лажни дојави за бомби го пореметија авиосообраќајот

Македонија

Институционална соработка меѓу Општина Карпош и Град Скопје

Во Општина Карпош денеска се одржал конструктивен состанок помеѓу градоначалникот на Општина…

Сподели:
Фото: Алфа Вести

Во Општина Карпош денеска се одржал конструктивен состанок помеѓу градоначалникот на Општина Карпош, Сотир Лукровски, и градоначалникот на Град Скопје, Орце Ѓорѓиевски.

На состанокот присуствувале и повеќе претставници од двете администрации, меѓу кои раководители на сектори со поврзани надлежности и ингеренции, со цел да се унапреди меѓусебната координација и соработка.

-На средбата беа отворени повеќе прашања од заеднички интерес, со посебен акцент на конкретни инфраструктурни, сообраќајни и комунални проекти, како и на прашања поврзани со надлежностите и одговорностите на двете институции – соопштија од Општина Карпош.

Реклама

Во рамки на разговорите беа разгледани можностите за реализација на повеќе заеднички проекти за кои обврска имаат и Град Скопје и Општина Карпош, меѓу кои: разгледување на можноста за воспоставување претоварна станица за комунален отпад, со цел унапредување на системот за собирање и транспорт на отпадот; реконструкција на пристапниот пат до Бардовци и изградба на нов резервоар за вода; разгледување на можноста за отворање нова сообраќајна врска од Визбегово; реконструкција на улицата „Скупи“; изградба на монтажни паркинзи во Карпош 4, на потегот помеѓу мостот „Обединети нации“ и кејот.

Натаму, санација на свлечиштето кај црквата во Жданец, како и изградба на потпорни ѕидови и санација на други критични локации; изградба на нови улици во реоните Момин Поток и Криви Дол; изградба на нови мостови преку реката Серава; изработка и реализација на сообраќајно решение во Криви Дол, вклучително и изградба на мост и потребната сообраќајна инфраструктура; воведување зонско паркирање на локации каде што постојат важечки урбанистички планови и се исполнети потребните услови.

Исто така е предвидено и замена на постоечките контејнери за комунален отпад и поставување дополнителни нови контејнери;обезбедување нови возила за собирање и транспорт на комунален отпад на територија на Општина Карпош.

Од Општината додаваат дека посебно била истакната потребата од подобра координација при реализација на проектите каде што надлежностите на Општина Карпош и Град Скопје се преклопуваат или се непосредно поврзани, со цел постапките да се одвиваат побрзо и поефикасно.

-За секој од проектите ќе биде потребно да се утврдат техничките услови, надлежностите на институциите, потребната проектна и урбанистичко-планска документација, можностите за финансирање, приоритетите и роковите за реализација. Денешниот состанок претставува важен чекор кон воспоставување брза, директна и ефикасна меѓуинституционална комуникација меѓу Општина Карпош и Град Скопје, со цел конкретно и навремено решавање на прашањата од значење за граѓаните – додаваат од Општината.