Инспекторите секојдневно на терен ги проверуваат владините мерки за заштита на животниот стандард. Заклучно со денеска пазарниот инспекторат спроведува контрола во над 1000 трговски објекти по што ќе ги соопштат првичните анализи дали се почитуваат ограничените маржи и замрзнатите цени на осум групи на производи. Според првичните информации кои стигнале до министерството на економија и труд, трговците ја почитуваат мерката. Доколку крајната неделна анализа од инспекторатот покаже дека има прекршување ќе има ригорозни парични казни, а можно е и да има затворање на маркети и тоа во рок до 15 дена.
Уште се инспекторите на терен, денеска е крајниот рок и ќе ме известат дали има вакви случаи или не, ако има ќе ги казнат. Сите тие кои не ги почитуваат мерките ќе бидат казнeти со закон..
Во однос на прекршочната постапка за четири големи ланци на маркети и против една стопанска комора за картелско здружување, односно дека склчучиле договор за формирање цени, Дурмиши вели дека верува во извештајот од комисијата за заштита на конкуренција. Тој е дециден дека нема да се дозволи вакво однесување и на секој договор кој што го прекршува законот, Владата остро ќе се спротистави.
Инаку, за заштита на стандардот на граѓаните, власта донесе законски измени во собранието со кои големите трговци ќемора да ги објават цените на сите производи на своите интернет страници. Ова ќе стартува од средината на април, односно законот деновиве ќе биде објавен во службен весник и трговците ќе имаат 45 дена рок од стапувањето на законот во сила да се прилагодат.
Во меѓувреме, во пресред на велигденскитер и рамазанските празници, на сила е мерката за ограничени маржи на 102 групи на производи како и замрзнати ценми на лебот, маслото, брашното, јајцата, јогуртот и киселото млеко. Очекувањата се дека цените ќе се намалат во просек околу 10%,
