Се уште е неизвесно дали некој ќе сноси одговорност, за смртта на 41-годишната беровчанка како последица од ковид 19, за која семејството тврди дека не добила соодветен медицински третман. Заврши вонредниот инспекциски надзор на инфективното одделение во штипската клиничка болница. Од државниот санитарен и здравствен инспекторат информираат дека независно од Комисијата, ДСЗИ до министерот за здравство ќе иницира стручен надзор над работата на здравствената установа и здравствените работници во врска со третманот на пациентката. На директорот на болницата му е наредено веднаш да се состани Комисијата за следење на квалитетот и во рок од три дена писмено да го извести ДСЗИ за наодот од извршената контрола на комисијата , информираат од државниот санитарен инспеторат.
Смрта на 41годишната беровчанка и тврдењата на нејзината ќерка дека мајка и не можела да воспотави контакт со медицинските лица за да и донесат кислород на нозе ја крена јавноста. Таа вчера за Алфа изјави дека е фрапирана од фактот дека една телефонска линија истовремено користат и пациентите и семејствата на хоспитализираните.
- Јас не сакам никој да сноси одговорност, бидејќи нема да ја вратат мајка ми, ниту пак сите други изгубени, ама може да смениме нешто за тие што допрва ќе бидат таму или што сега се таму .Се надевам дека ќе им овозможат еден единствен телефон и кога некој од пациентите ќе ги побара за вода или кислород ќе се јават и ќе бидат достапни за нив-изјави вчера Михаела Довичинска.
Од болницата информираат дека одделението има две линии еднаа за контакт со сестрите, а друга за контакт со лекарите, а од вчера во употреба се пуштени уште две телефонски линии.
Опозицијата на неколкупати алармираше дека болницата се соочува со недостаток од кислород, но раководството ги отфрлаше ваквите тврдења објаснувајки дека само минатиот месец се потрошени 16тони и во ниту еден момент пациентите не се оставени без кислородна поддржка.
Дали смрта на 41годишната жена настанала како причина поради недостаток од кислород или соодветно не била третирана, ќе се знае но откако ќе бидат изготвени извештаите.
Александра Ристевска
