И за директорката на Клиниката за инфективни болести, Милена Стевановиќ граѓаните се виновни за вториот бран на вирусот.
-Тоа што ме разочарува е несериозен пристап на дел од популацијата. Ако се сеќавате на овие 4 месеци, кажувавме што се мерки, препорачувавме, ги следевме сите препораки на СЗО, ние сериозно ги следевме сите промени и ги надополнувавме нашите препораки, рече Стевановиќ.
Таа додаде дека на почетокот ги критикувале младите затоа што беа олабавени дека бидејќи на некој начин се поштедени од болеста, а ги критикувале и постарите кои, според неа, биле во сериозен ризик, а шетале низ градот.
-На почетоците од епидемијата правевме планови и анализи и се подготвувавме во случај да се случи најлошото сценарио да бидеме подготвени да одговориме на сите болни кои ќе имаат потреба од нас. Некако се држевме со идејата дека добро се справуваме и навистина беше така. Малку загрижувачки е фактот дека стигаме до бројки можат да ги пополнат капацитетите кои не претпоставуваме дека ќе бидат исполнети, но ги чувавме за не дај Боже, изјави Стевановиќ.
