Министерот за животна средина и просторно планирање Муамет Хоџа денес присуствуваше на министерската конференција во рамките на Процесот за соработка во Југоисточна Европа (SEECP), што се одржа во Софија, Република Бугарија.
Конференцијата беше посветена на зајакнување на регионалната соработка во областа на климатските политики, заштитата на животната средина и одржливиот развој. На настанот учествуваа високи претставници од земјите од регионот, како и Џесика Росвал, еврокомесарка за животна средина, отпорност на водните ресурси и конкурентна циркуларна економија.
Во рамките на конференцијата беа разменети ставови за унапредување на регионалната соработка, спроведување на зелената агенда и забрзување на процесите на усогласување со европските стандарди во областа на животната средина и климатските политики.
