Хигеничарката во радовишкиот Дом за стари лица Астреон која дозволила вирусот да се решири во установата, ќе биде санкционирана. Менаџментот на домот ќе преземе соодветни мерки, бидејки како што велат на овој начин извршила тешка повреда на работните задачи. Иако сите вработени биле информирани дека треба да пријават доколку нивни близок развие симптоми веднаш да пријават, таа седум дена криела дека нејзиниот сопруг е со висока температура.. Заразата во Штип неконтролирано се шири, а бројките на новозаболени се аларманти. И додека кривата го достигна врвот, на штипјани се потежок им станува животот под маски. Викендов на социјалните мрежи се прошири видео клип од пред кафе бар во центарот на градот каде што јасно се гледа дека не се почитуваат мерките.
-Никој не смее да ги прекршува овие принципи и протоколи. Секој оној којшто ги прекршил треба да сноси одговорност –изјави Бочварски.
Корона вирусот до сега влезе во 11конфекции, осум од нив се посериозно зафатени. Дел се делумно затворени, а дел работат само со работниците кои имаат негативни резултати. Контролите на терен покажале дека превозот на работниците од каде претходно се прошири заразата, сега е според стандардите..
-По тоа што сум информиран, превозот се одвива тековно и е според протоколите, со што се исклучува можноста за ширење на заразата –изјави Бочварски
Во изминатите четири дена во Штип се регистрирани нови 130случаи, а до вчера има 324 позитивни на ковид-19. Засега нема најави за враќање на полициски час или градот целосно да биде затворен.
Александра Ристевска
