Иранскиот врховен лидер ајатолахот Али Хамнеи денеска изјави дека Иран треба да продолжи на развој на армијата и на ракетната програма.
„Напредокот не треба да се запре, не можеме да бидеме задоволни. Да речеме дека претходно поставивме граница за прецизноста на нашите ракети, но сега веруваме дека оваа граница повеќе не е доволна. Мораме да продолжиме напред“, нагласи Хамнеи, укажувајќи на потребата иранската војска да се фокусира на иновациите.
Неговата изјава уследи по заканите од американскиот претседател Доналд Трамп дека ќе употреби сила ако Техеран одбие да преговара за нуклеарната програма.
„Денес, нашата одбранбена моќ е добро позната, нашите непријатели се плашат од тоа. Ова е многу важно за нашата земја“, истакна Хамнеи.
Иранскиот ајатолах минатата недела изјави дека преговорите со САД „не се паметни, мудри или чесни“, додека Трамп ја врати политиката на „максимален притисок“ врз Иран.
