Хамас му се заканува на Израел дека, ако не ги прекине нападите, може слободно да се збогува со израелските заложници кои ги држи во Газа. Бригадите Ал-Касам, военото крило на палестинското милитантно движење, објавија и слики од израелски затвореници кои се држат во Газа.
Хамас ги предупреди израелските власти дека нивните затвореници ќе бидат во опасност доколку Израел продолжи со инвазијата на Газа и го отфрли прекинот на огнот. „Секое понатамошно одложување или отфрлање на прекинот на огнот од страна на израелската влада, под водство на премиерот Бенјамин Нетанјаху, ќе резултира со смрт на затворениците“, се вели во пораката, ја пренесе иранската новинска агенција Тасним.
