Кандидатот на ВМРО – ДПМНЕ во Кочани, Владко Грозданов прогласи победа со 1.400 гласа повеќе од противкандидатот Венко Крстевски, предложен од група граѓани.
– Покрај се што се случи во градот, можам да кажам дека Кочани го одбрани своето достоинство. Покажа дека е за иднина, за мир и просперитет, а не за раволуција и омраза. Ова не е моја победа, ова е победа за сите нас. Од утре заедно продолжуваме за повторно раѓање на Кочани, рече Грозданов.
Како што ветив, додаде тој во своето прво јавно обраќање на крајот од изборниот ден, ќе работиме со чист образ од првиот до последниот момент.
„Ви благодарам што верувавте во мене и во нашата заедничка визија. Време е за неуморна работа, сплотени да го оствариме заслужениот сјај и развој на Кочани, истакна Грозданов.
Во Општина Кочани се гласаше на 63 избирачки места, до 18,30 часот одѕивот беше 40,44 отсто. Бројот на граѓани со прво на глас изнесува 32.503.
