Грипот не се предава. Над 1.100 нови случаи за една недела, најзагрозени се децата. Бројот на заболени од грип и заболувања слични на грип бележи благ пад од 3,2 отсто во изминатата недела, покажува најновиот извештај на Институтот за јавно здравје.
Според податоците, најголем дел од заболените се на возраст од 15 до 64 години, но највисока инциденца е регистрирана кај најмладите, односно кај децата до четиригодишна возраст. Најмногу пријавени случаи има во главниот град.
Од почетокот на сезоната до денес заболени од грип се регистрирани речиси 15 илјади лица. Против грип се вакцинирале вкупно 79.118 граѓани.
