Градоначалникот Орце Ѓорѓиевски денес присуствуваше на прославата на Источен Петок, значаен православен празник, кој се одбележува на првата недела по Велигден, во местото Балаклија, во Црниче. Заедно со жителите, тој ја прослави оваа важна традиција, изразувајќи благодарност што свето место, на кое се наоѓа изворот, беше ослободено од узурпација и повторно враќено на жителите. Местото е оплеменето со нови содржини кои овозможуваат вистинско уживање за сите кои го посетуваат.
Градоначалникот Ѓорѓиевски изрази своето задоволство што следната година ќе има честа да биде кум на овој значаен настан, што за него претставува дар од Бога и голема чест.
„Нека е за многу години Источен Петок – Балаклија! Другата година кумството е мое, за што ми е огромна чест! Денес, заедно со мојот народ од Црниче го славиме овој голем празник кој спаѓа во Светлата Недела. Празникот е посветен на Пресвета Богородица, на кој ѝ се оддава признание, бидејќи се верува дека на овој ден ги миела раните на Исус Христос. Затоа, водите од изворите денеска се сметаат за лековити, а верниците масовно ги посетуваат за да ги измијат очите и лицето. Ова култно место во Црниче, на кое се наоѓа извор, до лани беше узурпирано. Сега го ослободивме и го вративме на жителите, оплеменето со содржини за вистинско уживање и рекреација на сите кои го посетуваат. Горд сум на сплотеноста на мојот народ на ваквите денови. Затоа, Македонија е богата земја, која низ вековите ја одржувала меѓусебната љубов и почит,“ изјави градоначалникот Орце Ѓорѓиевски.
„За многу години да ни е, здравје и бериќет кај сите,“ додаде тој.
