Градоначалникот на Општина Битола Тони Коњановски приреди прием за делегации на ансамбли од Венецуела, Порторико, НР Кина, Грузија, Холандија, Унгарија, Словачка, Грција и Шведска и од домаќинот, Македонија, учесници на фестивалот „Илинденски денови“.
Гостите од државата и странство споделија импресии од престојот во Битола, а градоначалникот Коњановски се заблагодари што придонеле во овој период градот да биде разубавен со светското шаренило, надополнето со музиката, играта и песната, соопштија од Општина Битола.
Според востановената традиција, градоначалникот и делегациите разменија пригодни подароци и заеднички се фотографираа на плоштадот „Магнолија“ во центарот на градот.