Градиме нови темели, одново поставуваме столбови и ги засилуваме носечките, кои беа кршени и рушени, порача премиерот Христијан Мицкоски во отчетот за првата година од работата на Влада предводена од ВМРО-ДПМНЕ. Според него секој почеток е уште потежок, затоа што наследиле веќе стекната состојба, односно не започнале од нула, туку од минус, кој го оставила претходната владејачка гарнитура на СДСМ и ДУИ.
Мицкоски потенцираше дека во текот на минатава година биле реализирани или отпочнати повеќе од 250 поголеми проекти и најави дека нивниот број наредната година ќе биде зголемен за повеќе од три пати. Економијата е една од главните цели актуелната власт и според најавите во текот на следната година треба дас е очекуваат голем број нови странски инвестиции, кои што ќе донесат нови вработувања, повисоки плати и зголемен животен стандард. Премиерот вели дека економијата останува најглавен фокус, со цел борба за подобар живот, за таа цел обезбедени се и 500 милиони евра за поддршка на компаниите и општините со цел реализација на капитални прокети за подобрување на животот на граѓаните.
-Постигнавме рекордно историско најголемо ниво на странски инвестиции од 1 милијарда и 255 милиони евра, што ќе каже дека имаме најголем на странски директни инвестиции по глава на жител во овој дел од Европа. Првпат по седум години намален е јавниот долг, заклучно со март 2025-та година има намалување од 4,7 процентни поени во однос на БДП. Платите растат, обезбедивме повисоки плати во администрација, здравство, образование, МВР, изјави Мицкоски.
Борбата со криминалот и корупцијата е уште една од главните цели на Валдата, за што доказ се и големиот број истраги и акции кои се случија во текот на минатава година, поради сомнежи за милионски криминали сторени минативе години. Мицкоски изрази незадоволство од работата на обвинителите и судиите, но порача дека мора да се борат за правда, бидејќи народот го очекува тоа и треба да се сруши бандитизмот во политичките и бизнис структури.
-Се започнаа акции против оние кои порано се сметаа за недопирливи. Денес тие неславни корифеи на неправдата се бегство од законот, а силно се удри ид по нарко бандите особено во Скопје. Онаму каде сметам дека може подобро е борбата за независно судство и обвинителство кое сега го немаме. Не сум задоволен од динамиката на испорачување на правдата и постојат очигледни спреги меѓу тој свет и светот на политичката бизнис мафија, изјави Мицкоски.
Мицкоски најави и зголемени инвестиции во образованието, бидејќи тоа е најважно за правилен развој на младите. Обезбедени биле над 12 проценти повисоки плати за наставниците и стручниот кадар во основните и средни училишта, како и 14 проценти повисоки плати за професорите на факултетите, а потпишана е и согласност за раст на платите до 60 проценти во следните четири години. Според Мицкоски сериозни инвестиции ќе има и во здравството, а во текот на минативе 12 месеци веќе биле реновирани повеќе од 10 здравствени објекти и клиники, а набавена е и медицинска опрема од неколку милиони евра.
-Како и што ветивме ги укинавме нефункционалните економски директори во јавните здравствени установи. Отворивме постапка за вработување на 600 млади специјализанти во здравството. Го зголемивме капитациониот бод на матичните доктори, гинеколози и стоматолози. Обезбедивме раст на платите на здравствените работници и соработници во јавните здравствени установи. Направивме проширување на позитивната листа на лекови со 9 нови генерики на лекови, изјави Мицкоски.
Со силен интензитент се реализира и модернизацијата на Армијата. Како што соопшти премиерот оваа година се одвоени 32 проценти од буџетот, односно 106 милиони евра, што е за 18 милиони евра повеќе од минатата 2024-та година.
Матеја Петровски
