Претседателката Гордана Сиљановска-Давкова упати честитка по повод Денот на сесловенските просветители Св. Кирил и Методиј, во која порачува да се чува нивниот спомен и преку нивните дела да ја зацврстиме заложбата за градење на општество засновано на знаење, меѓусебно почитување и достоинство.
Претседателката ја предводи македонската владинa–црковна делегација во Рим каде се чествува Денот на сесловенските просветители. Таа положи венец на спомен-плочата со македонски натпис во базиликата „Санта Марија Маџоре“, во чест на мисијата на светите браќа Кирил и Методиј, а го посети и гробот на папата Франциск.
Во вечерните часови, во рамки на манифестацијата „Македонија во чест на Св. Кирил“, Сиљановска-Давкова ќе присуствува на концертот „Македонисимо“ на пијанистот Симон Трпчески.
