Пожарот, кој избувна во близина на Измир, за кратко време се прошири и ги зафати околните населби. Силниот ветер дополнително ги влошува условите и ја отежнува борбата на противпожарните екипи.
Локалните власти веднаш почнаа со евакуација на граѓаните, кои ги напуштаат своите домови за да се спасат од огнената стихија. Пожарот веќе предизвика штета на повеќе куќи во погодената област.
Интервенцијата продолжува непрекинато, а екипите се борат да спречат огнот да навлезе во други населени зони. Главниот аеродром во Измир веќе има откажани повеќе летови, а за останатите се регистрирани значителни доцнења.
