Претседателот на Собранието Африм Гаши вели дека нема какви било поместувања во пратеничките редови од коалицијата ВЛЕН. Сè е, вели, како што било претходно. Гаши ова го изјави по брифингот со новинарите на кој кажа дека кон крајот на јули или почетокот на август годинава треба да се распишат локалните избори. Образложувајќи ги активностите на Собранието во следниот период, посочи дека е предвидено да се одржи и јавна расправа околу измените на Законот за локална самоуправа, што веќе некое време се најавуваат од Министерството за локална самоуправа.
