Евроинтеграцијата не се гради во Брисел, туку дома – во нашите одлуки и начинот на кој постигнуваме консензус, порача претседателот на Собранието, Африм Гаши, на Осмата пленарна конференција на Националната конвенција за Европската унија, одржана денеска во законодавниот дом.
Гаши нагласи дека ниту едно билатерално прашање не смее да биде пречка за напредокот кон ЕУ, додавајќи дека примерите на Албанија и Црна Гора покажуваат дека процесот е реален и достижен.
„Нашиот натпревар не треба да се одвива во реторика, туку во изнаоѓање заеднички решенија за заедничките проблеми“, истакна тој.
Настанот се одржува под мотото „Реформи од другата страна на реториката: Регионални предизвици на патот кон Европската унија“, со учество на пратеници, амбасадори, експерти од правосудството, академици и претставници од Словачка, Албанија и Србија.
