Фрлањето ѓубре во ноќните часови ќе биде забрането. Секој што ќе биде затекнат како остава смет по 22 часот ќе се соочи со парична казна до 50 евра. Советот на Град Скопје ја изгласа одлуката со која се ограничува користењето на контејнерите во период од 22 до 06 часот. Мерката според градските службите ќе има за цел да му овозможи поефикасна работа на Јавното претпријатие Комунална хигиена. Таа е донесена по примерите од големите светски метрополи. За граѓаните мерката е добра и велат дека конечно ќе се воведе поголем ред околу собирањето на сметот. Ограничувањето ќе придонесе за почисти улици и поуреден град, сметаат тие.
Од невладините пак со попесимистички погледи околу новата мерка. Дел оценуваат дека таа е недоволно ефективна и дека нема да го реши отпадот во Скопје. Марјан Калевски од Зелен хуман Град вели дека потребни се посериозни системски решенија и дека проблемот е во преголемата урбанизација и недоволниот број на контејнери.
Тоа нема да ги реши проблемите со отпадот во Скопје. Знаете во Скопје има преголема урбанизација, која дозволи неплански да се направат по никакви стандарди згради, каде што сега нема едноставно доволно контејнери поставено за луѓето го одлагаат својот отпад, така што проблемот е во инфраструктурата и со премалиот број на контејнери“, изјави Марјан Калевски, од Зелен Хуман Град.
Невена Горгиевска од О2 организацијата, вели дека мерката е добра, но останува скептична околу тоа колку истата ќе се почитува. Вели дека и во овој момент постојат закони за одлагање на отпад, но дека надлежните не ги казнуваат оние кои ги прекршуваат. За неа, мерката ќе даде резултати, само ако се обезбеди јасна контрола и доследно спроведување.
„Сметам дека мерката е донесена во насока да се направи некој ред во однос на одлагањето на одпадот, дали ќе донесе резулати, зависи од тоа колку ќе се применува. Заота што и сега постојат закони кои забрануваат да се фрла отпад, каде што не треба, но, на терен не се спроведуваат“, изјави Невена Гориевска 02 Организација.
Градот најавува дека воведувањето селективни корпи за различен тип на смет ќе биде следната фаза од реформите во управувањето со отпадот.
