Македонија никако да падне од црната листа по бројот на смртни случаи од корона вирусот, но и по бројката на новозаразени на милион луѓе по глава на жител. Додека црниот биланс го загрижува народот министерот за здравство Филипче си тера предизборни партиски активности па очигледно заборави на маратонските пресконференции кои ги одржуваше во Владата . Последен пат Филипче на говорница застана пред 8 дена, што ако се спореди со почетокот на едидемијата кога бројките и не беа така високи, е несватливо ..
Од тогаш до сега промените се драстични. Во овие 8 дена кога Филипче е политичли активен починати се дури 73- ца, а бројката на новозаразени е 1288, ама министерот не најде време тоа да го сподели со јавноста. Граѓаните на социјалните мрежи прашуваат каде е министерот ?
Гледам нешто ми фали деновиве на кое се навикнав да го слушам секојдневно, а тоа да ти бил министерот Венко Филипче со неговите спектакуларни пресови дека состојбата со корона епидемијата е под контрола!
И се чудам каде е министерот?
Народот ги следеше вашите препораки министре и тоа во времето кога бројот на заболени беше помеѓу 15-20 на ден. Арно ама кога истиот тој број се зголеми и стана троцифрен, вашите рестриктивни мерки добија друга димензија…Обратно пропорционална!!!
Дека ситуацијата е под контрола тврдеше Филипче како и неговите колеги од власта, но сепак пикот од 2000 заразени кој го соопшти министерот е за повеќе од 3 пати надминат.
- Можно е бројот на заболени пациенти во нашата земја да достиген до 2.000, а пикот да биде за околу еден месец од сега рече Венко Филипче – министер за здравство(17.03.2020).
Министерот уверуваше дека кластерите се познати, но докторите алармираат .. кластери повеќе нема – вирусот е на секаде.
Наместо решенија за како да се справиме со кризата, Филипче изминативе денови можевме да го видиме само на партиски теренски активности.
Му мереше температура на Заев, на партиски собири во Крива Планка, во Кавадарци се пофали за успесите во здравството, во Охрид за сработеното.
Останува отворено прашањето зошто Филипче е пофокусиран на изборна кампања во битка за власт, наместо во битката за справување со Ковид 19.
Викторија Миткова
