Лидерот на СДСМ Венко Филипче по стапките на учителот Зоран Заев. Најави нов проект бомби 2.0 во кој ќе објавува корупциски скандали поврзани со власта. Бомбите ќе ги изготвувале млади партиски активисти кои Филипче ги нарече „нова сила“ и појасни дека експерти по право и финасии ќе бидат дел од партискиот антикорупциски тим. СДСМ повторно порача дека ќе бара помош дури и од Италија . Ако можеле тие да се справат со „Коза Ностра“, социјалдемократите и нивните млади истражувачи ќе можеле да ја разоткријат како што велат „Мафијата на ВМРО-ДПМНЕ“. Филипче ја повика и главната европска обвинителка Лаура Ковеши да дојде во Македонија и да ја истражи програмата за ИПАРД фондови, во која како што вели, се загрозени 130 милиони евра..
Од владејачката партија прашуваат како може личност со сомнителни морални навики да зборува за борба против криминалот и корупцијата. Со иронија му одговорија на Венко Филипче во врска со обвинувањата за корупциски скандали. За ВМРО ДОМНЕ; СДСМ веќе има свој антикорупциски тим. Зоран и Вице Заеви, бегалецот и екс директорот на ЕСМ Васко Ковачевски, другиот бегалец и како што велат партнер во криминалот, Артан Груби, како и екс министерката за култура Бисера Костадиновска против која се води постапка.
Политичката сцена повторно се вжешти, а јавноста будно ќе ги следи најавените објави и институционалните реакции. Во наредните две недели се очекуваат внатрепартиски реконструкции и кај владејачката партија, но и во СДСМ.
