Стотина жители на Кичево од погодената населба “Прилепска” во текот на ноќта, во ситните саати се евакуирани од своите трошни домови.Обилните врнежи од дожд предизвикале излевањето на Зајашка река која како што велат мештаните носела се пред себе,за миг поплавувајќи им ги куќите.Ситуацијата е многу лоша додаваат. Иако општината им обезбедила привремено сместување, некои спиеле во автомобили, други под ведро небо.
“Многу е лошо,има некои куќи по два метра под вода внатре.Кај мене не беше баш толку, до 80 см до 3ч утрово, а сега не знам. Оваа вода дојде за 5 секунди,јас седев пред вратата само една цигара што запалив одма водата крена; Гледате сами се е лом, се под вода.Некои се по фамилии, некој во кола, некои по улица;Најповеќе поплава имам,имам малолетно дете ќе ми се удаваше ако верувате.Детето ќе ми погинеше.Треба да ми се помогне многу верувате.Тројца сме,едно мало бебенце имам од две години,жена инвалид и јас инвалид сум”-велат жителите
Погодените кои немале каде да одат, се сместени во спортската сала „Христо Узунов“,а обезбедени се и со храна, вода, кревети, душеци и ќебиња.
“Донесове одлука да се врши редовно дезинфекција и дезинсекција бидејќи постои за жал огрома можност за зараза.Луѓето се тука во незавидни услови, тоалетите се такви какви што се.И во меѓувреме мора да бараме едно системско решение за трајно сместување и уредување на речното корито.Бидејќи тие куќи се дивоградби направени се на имот на Република Македонија кој што е многу блиску до реката.За несреќа таа река години и години не е чистена” –вели Александар Јовановски,градоначалник на Кичево
Во Охрид пак наврна најмногу дожд, предизвикувајќи излевање на Коселска река. Евидентирани се поплавени подруми, гаражи и дворови на повеќе локации во градот. Локалната самоуправа и Кризниот штаб постапуваат по пријавите.
” Состојбата во Охрид на неколку локации претставува огромен проблем, имаме поплавени куќи.Сето тоа се однесува на Коселска река која по течението се има излеано на неколку места.И дополнително има еден канал кој пто е поврзан со Коселка а преку 30 години немал вода во него ова е прв пат сега и преставува проблем за куќи кои се веќче поплавени “-вели Кирил Пецаков-градоначаник на Охрид
Реката Далјан е излеана од коритото на повеќе места, при што се поплавени голем број куќи, а службите за итно дејствување се организирани и се на терен.Водата се црпи се 40 пумпи а се интервенира и на патниот правец од Билјанини извори до Љубаништа каде имало и одрони.
