Втор и последен ден од Самитот на Европската Унија во Брисел, каде шефовите на држави или влади на земјите членки на Унијата вчера донесоа неколку важни одлуки.
Претседателот на Европскиот совет, Шарл Мишел, информираше дека Советот одлучи да отвори пристапни преговори со Украина и Молдавија, и да и додели статус на земја кандидат за членство на Грузија, додека во однос на БиХ останува условената препорака за старт на преговорите.
Босна и Херцеговина, има шанса – до март, следната година, да ги донесе потребните закони, и да докаже – дека направила доволно – на патот кон ЕУ, а потоа, Европската комисија, ќе усвои извештај за напредокот, со цел, да се одлучи за следните чекори.
За Македонија, декемврискиот Самит – дојде и пројде, и, земјава, остана во европската чекалница. Околу врат, како камен – и виси ветувањето на власта, дека ќе ги протне бугарите во Уставот, спротивно, на волјата на народот.
Старо-нов товар, остануваат – длабоката корупција и криминалот. И покрај тоа, што ова, е уште еден дипломатски пораз, премиерот Димитар Ковачевски, вината, исклучиво ја префла кај опозицијата.
