Емануел и Брижит Макрон ќе презентираат научни докази во американскиот суд дека Првата дама на Франција е женско

Емануел Макрон и неговата сопруга Брижит ќе достават фотографски и научни докази во американски суд за да докажат дека Првата дама на Франција е женско. Адвокатот на француската претседателска двојка ќе ја презентира документацијата во тужбата за клевета што ја имаат поднесено против десничарката Кендис Овенс, која го шири верувањето дека Брижит Макрон била родена како машко. Вакви тврдења почнаа да кружат на интернет во 2021 година, кога две француски блогерки објавија видео. Макронови првично го добија случајот за клевета против нив, но пресудата беше поништена врз основа на слобода на изразување. Емануел и Брижит Макрон се во брак од 2007 година, десет години пред тој да биде избран за претседател на Франција. Брижит има три деца од првиот брак.