Македонскиот ресурс не е за распродавање – експертите по енергетика бараат Владата да го стопира процесот за потпишување на договорот за давање на Чебрен на грчки Архидерон. Според експеритите Макефонија со давање на домашното на странци ја губи во целост шансата за енергетски независна држава. Експерите бараат одговори, зошто после 13 пропаднати тендери Владата се одлучила токму за оваа понуда на , а не за останати понуди во минатото кои биле поповолни.
На тој начин ХЕЦ Тиквеш, кој сега е во македонски раце и продава евтина струја во нашиот електроенергетски систем, според планот повеќе нема да дава евтина струја, туку ќе ја продава на берза и ќе биде петпати поскапа. Таа струја според планот на Владата треба да премине во грчки раце. Ние се лишуваме од нашите 150 гигават часа електрична енергија годишно и ги предаваме во рацете на странскиот инвеститор. На тој начин веднаш е јасно дека ја поткопуваме енергетската независност на државата, рече Атанаско Туневски
Наместо профит на македонско конто од милијарди евра, Македонија ќе купува струја произведена од домашни ресурси на берза. Ова би значело дека цената која сега државните електрани ја плаќаат за електрична енергија во иднина ќе биде и двојно повисока . Експертите се согласни , дека Чебрен треба да се изгради , но не смее да се брза со потпишување на ваков договор, со кој грците гратис го добиваат Тиквеш. Тии сугерираат дека морта да се најде начин Македонија сама да ја изгради хидоцентралата чбрен. Според експертите , Македонија добила и жалба од грците за тоа дека на тендерот учествувале под едни услови, а Одлуката е под други , во истата не била спомената ХЕЦ Тиквеш .
-Нето сегашната вредност на проектот во случај на јавно-приватно партнерство целиот ефект после 67 години би изнесувал само 250 милиони денешни евра. Ако го изградиме сами и ако продаваме по сегашната заштитена цена од 53 евра за мегават час нето сегашната вредност би била околу 1,6 милијарди денешни евра, а доколку се продава на берза вредноста би била дури 2,5 милијарди денешни евра. Со инфлацијата би изнесувало 10,5 милијарди идни евра, рече Трајков.
-Има многу правни недоследности и нелогичности во постапката кои ќе го оспорат потпишувањето на договорот. До 14 декември е обврска да се формира заедничка компанија. Страната која го доби тендерот има поднесено жалба на одлуката на Владата со која е доделен. Тоа значи дека процесот ќе се одложи, рече Димитров.
Наспроти бурните реакции од експертската јавност, Владата не отстапува од потпишување на договорот . Премиерот Димитар Ковачевски вели надлежностите се предадени на Министерството за животна средина да ја спроведе процедурата според условите кои им одговарале на двете страни . Крајниот рок за потпишување е 15 – ти декември .
Кристина Алексиеска
