Граѓаните ќе имаат бројни бенефити од изградбата на когенеративни централи. Планот на владата за изградба на вакви постројки според експертите е начин како оние што не се приклучени на централното греење да добијат евтина топлина, а од друга страна директно ќе има влијание и на квалитетот на воздухот.
Клучно во моментов според дел од нив е моделот кој државата ќе го договори за изградба, односно дали ќе биде приватна инвестиција или ќе се оди на јавно приватно партнерство. Доколку државата стане партнер, добро би било поголемиот процент да биде на Македонија односно 51 процент од уделот. Сепак и доколку се договори приватна инвестиција и тоа би било од бенефит:
Се преговара и за изградба на секундардната гасна и топловодна мрежа, а според најавите приклучоците би биле бесплатни. Според она што е досега познато во јавноста, експертите калкулираат дека би се изградиле барем поголеми две постројки во Скопје и Битола, останува на владата како ќе испреговара околу условите. Димитров потсетува дека и во минатото имаше обид за изградба на когенеративни постројки, но овој пат условите се различни . Клучното е што нема обврска да ја купуваме струјата, а државата не дава субвенции
Македонија преговара со турската Казанџи Холдинг која би вложила во изградба на централите со 500 мw капацитет кои годишно произведуваат 4,1 терават часови електрична енергија, односно 720 GWh топлинска енергија. Компанијата е со искуство од над 25 години и располага со инсталиран капацитет од над 3.500 MW во 8 земји. Експерите очекуваат дека државата ќе продолжи да вложува во изградба на енергетски капацитети, како што е изградбата на хидроцентралата Чебрен со цел Македонија да има стабилно производство и од увозник на струја , дури да сме профитабилни.
