Поголема флексибилност, за подобри резултати на работните места. Невладиниот сектор иницира промени во работниот процес во компаниите со цел поефикасно да се усогласи професионалниот со приватниот живот. По теркот на дел од светските компании, предлагаат работодавачите да бидат пофлексибилни и да излегуваат во пресрет на приватните обврски на работниците. На пример, со платени слободни денови за новите татковци, кога родител треба итно да однесе дете на лекар, или пак да се помогне на член на семејството кој самостојно не може да се грижи за себе. Ваквиот пристап според нив би помогнал работниците да се задржат, да добијат подобри можности за работа и планирање на семејниот живот:
„Значи не флексибилност за вработените повеќе да се експлоатираат туку флексибилност којашто ќе им даде можност на вработените да се грижат и за семејството да не мора да остуствуваат од работа. Тоа во пракса го намалува отсуството од работа и го намалува бројот на боледувања. Им овозмужва на луѓето да планираат да имаат повеќе деца ако знаат дека работодавачот ја дава таа флексибилност“, изјави Никица Кусиникова, извршен директор на Здружението „конект“
Она што е добро е што дел од комапниите веќе ги применуваат ваквите трендови. Граѓанските организации сепак велат дека предизвиците се уште се големи и допрва ќе се чувствуваат притисоците родово-одговорните политки да станат индустриски стандард.
„Имаме компании коишто на пример за татковците кога ќе станат татковци овозможуваат дополнителни денови отсуство на сметка на компанијата да може да се грижат за новороденчето заедно со мајката. Или пак имаме компании коишто нудат услуги за семејствата на вработените, финансиски, курсеви за децата, поддршка во грижата за децата и за семејството, и на тој начин креираат работна средина во којашто вработените сакаат да бидат.“
Промената на застарените стандарди на функционирање на работниот процес според граѓанските организации е неминовност. Дека тоа е можно и остварливо велат дека се покажало со Ковид кризата по која дел од методите на работење драстично се променија.
