Нови 160 книги кои ја опишуваат македонската историја ќе ги красат полиците на универзитетската библиотека „Св. Климент Охридски“ во Скопје. По повод 23 Октомври се отвори изложбата на едицијата „Promacedonia“.
Преводи на странски и историски книги испечатени во два дела, внимателно избрани од професори и историчари, за прв пат ќе се најдат во македонската литература, единствено достапни во универзитетската библиотека.
„Првиот дел е книги со историска содржина поврзани најмногу со ВМРО, со основањето на ВМРО, со функционирањето и делувањето на Внатрешно Македонската револуционерна организација, а вториот дел од едицијата се состои со книги со историска содржина поврзани со Република Македонија односно од античкиот период, од времето на Филип, 356 година п.н.е па се до современата македонска држава.“- изјави Јовица Никчевски, директорот на националната и универзитетска библиотека „Св. Климент Охридски“- Скопје.
Историски податоци и документи за Македонија, се наоѓаат во содржината на овие дела, кој како што вели директорот на националната библиотека, треба да ја сменат перцепцијата на народот. Овој проект има големо влијание врз читачката култура.
„Книги кои што треба да ја семнат перцепцијата на многу нешта. Не од празен муабет да кажам туку од историски податоци, документација, од аргументи, од луѓе кој што живееле во тоа време во која што се книгите пишувани. Станува збор за книги кои што се за прв пат преведени на Македонски јазик.“- изјави Никчевски.
На полиците ќе може да се најдат и дела од познатите македонски револуционери како Димо Хаџи Димов со насловите „Илинденското востание и поуките од него за денешните македоснки револуционери“, „Македонското прашање и учителот“ и бројни други дела, „Македонија и Одринско (1893-1903)“- Мемоар на внатрешната организација, како и бројни наслови од странски писатели како Рихард фон Мах- „Македонското прашање“ .
