11 и пол илјади казни или речиси 150 илјади евра наплати Министерството за внатрешни работи за шест дена од сранските возачи преку Безбедносниот систем „Сејф сити“.
Според статистиките, ако лани до крај на август имало имало 95 жртви на патиштата, сега, откако функционира системот има 58. Македонија може да биде премиер за зачувани човечки жртви со почитување на сообраќајните правила, вели министерот за внатрешни работи Панче Тошковски.
- „Станците во овој временски период не ги почитуваа сообраќајните правила и покрај тоа што МВР многупати во овој временски период излезе во јавноста и иформираше дека сите прекршоци кои што се констатирани во овој временски период се констатирани и ќе бидат доставени до секој еден кој што го сторил прекршокот. За шест откога почнавме со доставување на казните за странски возачи, имаме доставено и наплатено 11,500 казни и во македонскиот буџет се влезени осум ипол милиони денари кои ќе бидат искористени за други работи..“ рече министерот Панче Тошковски во гостување во утринската програма на Алфа.
Најавите се дека во првата половина на септември „Сејф сити“ ќе почне да функционира во СВР Велес, а потоа и во Охрид и регионот.
- „До крајот на овој месец, односно првата половина на септември ќе почне да функционира во Велес, Кавадарци и Неготино и сите населени места, потоа во СВР Охрид, а потоа следуваат СВР Струмица и Штип, па до крајот на годината се надевам и во СВР Битола и ќе го заокружиме целокупниот план за цела територија на државата“ рече Тошковски.
Министерот рече дека сите кандидати кои ги поминале сите четири фази од приемот во средното полициско училиште ќе бидат примени и наместо 200 ќе бидат примени околу 310. Финансиски средства биле обезбедени, а во соработка со МОН ќе се реши и наставниот кадар за успешен старт од први септември.
